Pello Irizar musikari beasaindarra hil zen igandean. Ibilbide oparoa izan zuen musika munduan eta Beasaingo Musika Eskolako sortzaileetako bat izan zen. Gainera, Beasaingo Koskola txaranga ere sortu zuen beste musikari batzuekin batera.
2022ko Loinatz jaietan omenaldia eskaini zion Beasaingo Udalak. Haur eta helduen danborradak elkartu ziren plazan berari emanaldia eskaintzeko. Ekitaldi honen amaierako abestia Pello Irizar berak zuzendu zuen.
Azken agurra, gaur eskainiko diote, Beasaingo Andre Mari Zeruratuaren parrokian, 19:00etan.