Urte amaiera baliatu du Beasaingo Udalak 2023an erretiroa hartu duten merkatariei omenaldia eskaintzeko. Udaletxean ospatutako ekitaldian, Leire Artola alkateak, Udalak tokiko merkataritzarekin duen kompromisoa berretsi du eta sektore honi babesa, gertutasuna eta laguntza ematen jarraitzeko borondatea azaldu.
Aurten hiru saltokiko arduradunak izan dira aitortza jaso dutenak: Yañez bitxitegiko Marisa eta Elena Yañez. Barrendain plazako estankoko Jose Antonio Diez eta Antonio Jarit oinetako konpontzailea. Banan bana gerturatu dira alkateak eta Elena Ruiz zinegotziak emandako oroigarria jasotzera.
Ekitaldi berean Bareak elkarteak, Udalaren laguntzaz antolatzen duen Gabonetako erakusleiho lehiaketaren sariak banatu dira. 14 saltokik parte hartu dute aurten eta herritarrak izan dira gustokoenak bozkatzeko arduradunak.
Horrela, Mirari lentzeriak atondutako eraskusleihoa izan da irabazlea . Bigarrengo saria Argi Optikak jaso du eta Xalo arropa dendako erakusleihoa izan da hirugarren bozkatuena.
Bozketan parte hartu duten herritarren artean erosketa txekeen zozketa egin da eta hauek dira irabazleak:
200euroko txekea irabazi du Arkaitz Remirok eta Julio Higuerok eta Manu Insuak 100 euroko txeke bana lortu dituzte.