Bertan dugu urte amaiera eta berarekin batera, Beasaingo San Silbestrea. Berrogeita hamar urte pasa dira Paulino Velazquezek lehen edizioa bultzatu zuenetik. 48. edizio honetan, 9,2km izango ditu lasterketak eta zirkuitua lau buelta osoz osatuko da.
Izena emateko epea abenduaren 29an itxiko da eta Marimurumendi eta goierriko bi handiak lasterketetarako bina dortsal zozkatuko dira. Sariak berdinak izango dira emakume zein gizonezkoentzako.
Txipak eta dortsalak san martin plazaren arkupetan jasoko dira egunean bertan goizeko 9:30etatik 10:30etara.
