Beasaingo herria egutegiz eta irribarrez bete zen atzo. Gipuzkoako Foru Aldundiak bideratuta, opari edukiontzi erraldoi bat ipini zuten Bideluze plazan, urtero antolatzen den argazki lehiaketako argazkiekin osatutako egutegia banatzeko.
Herritarrak irribarre batekin hurbildu ziren “Gipuzkoa kirolzale” egutegia hartzera.
479 argazki aurkeztu dira aurten urtero antolatzen den argazki lehiaketara, denetariko kirol praktikak eta kirolariak erakusten dituztenak. Guztira 4 goierritarren argazkiak daude ikusgai egutegian eta irabazle nagusia Pablo Perez urretxuarra izan da lokaztutako errugbi jokalarien argazki indartsuarekin.
Hurrengo datak:
Abenduak 19 18:00 Urretxu, Gernikako Arbolaren Plaza
Abenduak 20 18:00 Eibar, Unzaga Plaza
Abenduak 21 18:00 Bergara, Herriko Plaza
Abenduak 22 18:00 Azpeitia, Olazko Amaren Plaza
Abenduak 23 18:00 Zarautz, Lege Zaharraren Enparantza