Larunbatean Igartza Musika Beka ospatu zen Igartza Jauregian. Lehenik, goizean goizetik hasita, Gradu ikasleek euren emanaldiak eskaini zituzten eta arratsaldean Master ikasleen txanda izan zen. Parte hartzaile bakoitzak 10 minutu izan zituen bere onena erakusteko.
Gradu mailan Luis Alejandro Castillo Valenzuela venezuelarrak irabazi zuen diploma eta 2.200 euroko diru-saria Biolontxeloarekin. Master mailan berriz, Klarinetearekin, Marta Burgos Rueda alahurindarrak irabazi zuen diploma eta 3.300 euroko saria.
Urtero bezala, oso ospetsu bilakatu den bekan maila handia dagoela erakutsi zuten eta interpreteen eta publikoaren artean oso giro berezia sortu zen.