Larunbatean eguerdiko 12:30tan eman zioten hasiera manifestazioari, aurrez joaldunek girotutako kaleak zeharkatuz. Manifestazioari amaiera emateko familia argazkia egin zuten Zubimuzu plazan eta “Konponbiderako giltzak” ekimenaren manifestua irakurri zuten.
Sarek publiko egin duen ekimen honen bitartez giltza baliatu nahi du iraganeko minak itxi eta etorkizunean konponbideari ateak zabaltzeko metafora gisa.
Sareren ustez, urrats sendoak eman dira iraganeko ateak eta minak ixteko, “ETAren desagerpenarekin, isolamenduaren eta urruntze politikaren amaierarekin, biktima ezberdinen oinazera hurbilduz, distantziak murriztuz eta banatzen gaituzten hormak eraitsiz.”
Hala ere, Sareren ustez oraindik pausoak eman behar dira ateak behin betiko ixteko, “euskal presoen, iheslarien eta deportatuen aferari irtenbidea ematea eta biktima guztiei tratamendu justu eta berdina ematea ahalbidetuko duten ateak zabaltzea.”
Ez dutela zigorgabetasuna eskatzen gehitu dute, zigorrak betetzeko legeak berak eskaintzen dituen aukera desberdinei ateak irekitzea baizik. “Espetxe eredu berri, humanizatu eta justuago batean sakonduz, euskal presoei dagozkien eskubideen jabetza aitortuz, herri honetan sufritu duten persona guztiak aintzat hartuz eta biolentzia ezberdinen biktima diren guztiak errespetatuz.”
Sarek deituta eta “Konponbiderako giltzak” lelopean manifestazioa burutu zen Beasainen larunbatean. Hitzordua datorren urtarrilaren 20an Bilbon egingo den nazio mailako manifestazioara dei egiteko baliatu zuten.
Egin zaitez Komunitateko kide eta eman zure ekitaldien berri!
Argazkiak, artikuluak, hitzorduak, agenda ekitaldiak, eta bestelako edukiak gehitzeko aukera izango duzu webgunera.
KOMUNITATEA