Arrano Kulturak antolatutako bi ekintzetan parte hartzeko deialdia zabaldu du.
Alde batetik, abenduaren 2an jokatuko den Emakumeen Pala Txapelketa antolatu dute. Antzizar Kiroldegiko Pilotalekuan goiz bateko jardunaldian gauzatuko da, 10:00etatik 13:00etara. "Jardunaldi hau ez da txapelketa izango, palan jolasten ohituta ez daudenek proba egiteko aukera baizik" adierazi dute antolatzaileek. Asmoa partida txikiak jokatzea eta goiz ederra pasatzea da. Datozen egunetan txapelketari buruz hitz egiteko jardunaldiak egingo dituzte eta bertan izena-eman beharko dute parte hartzaileek. Jardunaldi horietan erabakiko dira formatua eta txapelketaren nondik norakoak. Palak eta pilotak Arranko Kulturak eramango ditu.
Bestetik, Eskuz Binakako Txapelketaren porra zabaldu dute. Porrak txapelketa osoa iraungo du eta apostuak astelehenetik ostiralera egin ahalko dira, astero bi euroren truke. Garaile bakarra izango du porrak eta apustu-kaxak Koiote zaharrean eta Arrano tabernan daude.
