Arriarango oihan magikoa ezagutzeko ibilaldia egingo dugu azaroaren 26an. Goizeko 9:00etan Beasaingo tren geltokian geldituko gara eta guztiok batera, landa eremutik, Arriarango auzora joango gara. Ordubete edo ordu eta erdi inguruko paseoa izango da. Arriarango auzoan, Ubuntu oihan magikoaren sortzaile den Josebak azalduko dizkigu oihanaren izenaren nondik norakoak, forma, ezaugarriak eta bertako zuhaitz espezie ezberdinen bitxikeriak. Izan ere, glaziazio garaiko zuhaitzak ere badaude. Ondoren, nahi duenarentzat, mokadutxoa egingo dugu Arriarango pilotalekuan. Herrira buelta norberak bere kasa egingo du. Aldez aurretik eman behar da izena arranoingurumena@hotmail.com helbidean. Etorri inguruko paisaiez eta magiaz gozatzera!
Egin zaitez Komunitateko kide eta eman zure ekitaldien berri!
Argazkiak, artikuluak, hitzorduak, agenda ekitaldiak, eta bestelako edukiak gehitzeko aukera izango duzu webgunera.
KOMUNITATEA