Odolki eguna izendatu dute herritarrek larunbatean ospatuko den eguna. Izan ere, goizetik hartuko du odolkia nafarroa etorbideko pilotalekua bertaratzen direnak dasta dezaten.
9:00etan emango zaio hasiera "Beasaingo kaleetan zehar" Argazki Rallyari, Argizpi argazkilari elkarteak antolatuta. 10:00etan irekiko dituzte bertako produktuen azokaren postuak Loinazki San Martin plazan eta 11:30tan abiatuko da XXXVIII. Odolki-dastaketa eta lehiaketa. Sari banaketa 13:00etan gauzatuko da Gernika pasealekuan.
Arratsaldean, Kamikaz Kolektiboaren eskutik, Troia kale antzezlana egingo dute 17:00etan Loinazko San Martin plaza azpian, eta borobiltzeko, 19:30etan Zuttik Elektrotxarangak alaituko ditu kaleak Erauskin plazatik abiatuta.
Egitaraua, orduz ordu
10:00 Bertako produktuen azoka
11:30 XXVIII. Odolki-dastaketa eta lehiaketa
13:00 Odolki lehiaketaren sari banaketa
