CAFek Beasainen eta Irunen dituen lantegietako batzarrek erabateko babesa eman diote (botoen % 90 baino gehiagorekin) Enpresa Batzordeak egindako mobilizazioen proposamenari. Hala, geldialdia egin dute gaur eguerdian, eta azaroan zehar beste sei egunetan ere hala egingo dute.
CAFek Castejonen (TRENASA) duen lantegiko langileek ere mobilizazio-proposamena berretsi zuten batzarrean. Horrela, CAFek Euskal Herrian dituen tren-fabrikazioko plantek bat egingo dute lehenengo aldiz hitzarmen kolektiboa berritzeko lanuzteen deialdiarekin, hitzarmen hori CAFek Nafarroan duen lantegian ere aplikatu ahal izateko. Izan ere, une honetan, hitzarmen honen aplikazio-eremua Beasaingo, Irungo eta Madrilgo lantegietarako da.
Hala, asteazkenean bi orduz gelditu ostean, datozen asteetan Euskal Herriko CAFeko 3.500 langile inguruk honako
lanuzte hauek egingo dituzte:
• Azaroak 7, asteartea: 3 orduko lanuztea
• Azaroak 9, osteguna: 3 orduko lanuztea
• Azaroak 14, asteartea: 4 orduko lanuztea
• Azaroak 16, osteguna: 4 orduko lanuztea
• Azaroak 21, asteartea: 5 orduko lanuztea
• Azaroak 23, osteguna: 5 orduko lanuztea
Gaur egin dute lehenengo geldialdia eta azaroan zehar beste sei egunetan ere hala egingo dute.
Egin GITBkide Goierri Irrati Telebista aplikazioan eta zozketaz, Gida Komertzialeko abantailaz eta premium edukiaz gozatu.
GITBkide