Isabel Imaz beasaindarra hil da 85 urte zituela. Olano Harategian urte luzez egindako lanagatik zen ezaguna herrian, baita Beasaindik kanpo ere.
Olano Harategia duela 60 urte zabaldu zuten Isabel Imaz berak eta Andrés Olano senarrak. Azken urteetan Josema semea da harategiaren arduraduna. Bertan prestatutako odolkiek egin dute ezagun Olano, eta Isabel bera ere bai. Dozenaka sari jaso ditu Olanoko odolkiak, ondo egindako lanaren seinale.
Azken agurra, gaur, asteartea, arratsaldeko 19:00etan izango da Beasaingo Andre Mari Zerutarraren Parroki Elizan. Gorpua Beasaingo Goierri beilatokian egongo da 13:30ak arte, eta arratsaldean, 16:00etatik 18:00ak arte.