2023-2024. ikasturtea hastearekin batera, Ostadar Dantza Taldeak aurreko ikasturteetan harrera ona izan duten plaza dantzen ikastaroei jarraipena egitea erabaki du, aurtengoan ere deialdi berri bat eginez. Astelehenetan egingo dute, arratsaldeko 19:00etatik 20:00etara, datorren urriaren 2an hasita.
Ikastaroaren helburu nagusia plaza dantza edota erromerietako dantza gisa ezagutzen diren koreografiak irakastea izango da. Ostadarrek jakinarazi duenez, izena emateko ez dago adin mugarik, baina batez ere helduei zuzenduta dago ikastaroa.
Ikastarora apuntatzeko interesa duenak, honako modu hauetara eman dezake izena:
- ostadardt@gmail.com helbidera idatzita,
- Telefonoz edo WhatsApp bidez: 695 73 74 00 (Larraitz) edo 635 731 166 (Xabi)
- Ostadar Dantza Taldearen sare sozialetara idatzita (Facebook, Twitter edo Instagram)
Izen-emateak epemugarik ez badu ere, urriaren 2a baino lehen apuntatzea eskatu dute, ikastaldea hobeto antolatu ahal izateko.