Ehunmilak probaren irteera ordurako aurreikusitako ekaitz gogorren ondorioz, antolakuntzak irteera bi orduz atzeratzea erabaki du. Hala, 18:00etan beharrean, 20:00etan abiatuko dira korrikalariak Beasaingo plazatik. Ondorioz, ibilbideko kontrol puntu ezberdineko denbora mugak aldatuko dira. Muga berriak lasterketako webgunean kontsultatu daitezke. Hala, lasterketa amaitzeko muga bi orduz murriztuko da. Lasterkariek 46 ordu izango dituzte, gehienez, 168 km-ak osatzeko. Beraz, lasterketaren itxiera igandeko 18:00etan izango da; aldaketen aurretik bezala.
Goierriko 2 Handiak lasterketan ez dute aldaketarik aurreikusten, ekaitzak arratsaldean espero dira eta.