Herriko gazteenek hasi zuten haien ekitaldia Loinazko San Martin plazatik abiatuta honako ibilbidearekin: San Inazio kalea, Oriamendi kalea, Mendeurren etorbidea, Nafarroa etorbidea, Erauskin plaza, Kale Nagusia, Arana kalea, J.M. Iturriotz Kalea, Kale Nagusia, Loinazko San Martin plaza.
Behin plazara itzulita, helduekin astindu zituzten danborrak herriko Goizeresi txistulari taldeak eta Koskola txarangak lagundurik.
Amaitzeko, Loinazko San Martin plazatik abiatuta ere, helduek egin zuten haien buelta, Koskola txarangak jotako erritmoei jarraiki.
