Aurtengo Gipuzkoako Erroten Eguna Ihurrita Errota elkartearen eta Igartzako Monumentu Multzoa kudeatzen duen Aldaberen artean antolatu da.
Jendeari errotak hobeto ezagutzeko eta ondare-elementu horri lotutako alderdi ezberdinak ulertzeko aukera ematea du helburu: historia eta kultura, ingurumena, teknologia, energia desberdinen erabilera eta gure gizarteak eta paisaiak izan dituzten aldaketak.
Ia 40 jarduerak, publiko guztiarentzako egitaraua osatzen dute, besteak beste, errotagintza topaketa, hitzaldiak, bisita gidatuak, haur eta familientzako tailerrak, martxak,...
Zehazki, Goierrin, Arama, Ataun, Beasain, Ormaiztegi, Zaldibia, Zegama eta Zerainen egingo dira jarduerak.
Gaur hasi dira jarduerak, Beasaingo Igartzako Monumentu Multzoan ospatu den Errotagintzaren topaketarekin. Bertan edizio honetako parte hartzaileak bildu dira. Beasain, Mutiloa eta Ataungo esperientziak ezagutu ondoren, Erroten egunaren aurkezpen ofiziala egin eta Igartzako Monumentu Multzoa bisitatzeko aukera ere izan dute.
Informazio eta testu iturria: igartza.eus