Bestetik, pote filosofikoa antolatu dute Agora Filosofia Elkartearekin batera. Hitzordua asteartean, hilak 25, izango da, 18:30etik 20:00etara, Beasaingo Arrano tabernan. Hauxe da Pote filosofikorako amu gisa aukeratu duten izenburua: gizonak eta emakumeak ez dira existitzen. Josebe Iturrioz izango da bertan generoaz, sexuaz eta abarrez hitz egiteko. Hark emandako abiapuntutik, hainbat konturen inguruan hausnartuko dute: zer da gizon edo emakume izatea, zergatik edo nola egiten gara bat edo beste... Halakoen inguruan egingo dute gogoeta pote baten bueltan.