Aurten ez da Santa Ageda jairik ospatuko Matxinbentan

Festak antolatzeko ardura hartu nahi duenik ez dago.

Uztarriak jakinarazi duenez, bi lagunen artean antolatu izan dituzte auzoko jaiak pandemiaren aurreko 5-6 urteetan. Gabon aurretik, idatzi bat bidali zuten auzoko etxe guztietara  ardura hauek utzi nahi zituztela jakinaraziz. Idatzi hartan, norbaitek erreleboa hartu nahiko balu beraiengana jotzeko eskatzen zuten. Inor ez da  ardura hartzeko prest agertu.

Santa eskean ere atera ohi zen Santa Ageda bezperan Matxinbentako talde bat, Azpeitiko kaleetan eta baserrietan zehar, Matxinbentan amaituz. Aurtengoan, baina, Santa eskea ere bertan behera geratu da.

EGIN ZAITEZ KOMUNITATEKO KIDE!

Bidali zure izen-abizenak, e-maila, telefono zenbakia eta zure edo zure erakundearen argazki edo logotipo bat hurrengo helbidera:

E-MAIL: komunitatea@gitb.eus


Parte hartu komunitatean