CAFeko langile batzordeak zuzendaritzaren jarrera salatu nahi izan du amiantoaren afera dela eta

Celestino Tolosa CAFeko langilearen laneko gaixotasuna onartu zuen EAEko auzitegi gorenak. Sententzian, Estatuko Gizarte Segurantzak ordainketaren erantzukinzuna beregain hartu beharko zuela azaltzeaz gain, CAF enpresak ere, eragindako kalteengatik, oraindik zehazteko dagoen zenbateko batekin erantzun beharko zuela ebatzi zuen. CAFek epaia errekurritu du eta langile batzordeak enpresaren jarrera salatu eta familiari bere babesa eskaini nahi izan dio.