19:30

20:15

Gau ibilaldi mitologikoa

Euskal mitologia bere distira eta misterio osoan bizitzeko une nagusia iritsi da Ataungo 2026ko Mitoaldira: Gau Ibilaldi Mitologikoa. Aurten, ikuskizun erabat berri batek hartuko ditu herriko bideak, antzinako “gaua gauezkoentzat” sinesmen zahar horri jarraikiz, iluntasunaren eta gure arbasoen kondairen magian erabat murgiltzeko gonbidapena eginez. Aurtengo ibilaldia edizio honetako ekitaldi ikusgarrienetako bat izateko prestatuta dago, naturan bertan gauzatuko den antzezpen berezi batekin: Data eta Txandak: Uztailaren 11n, larunbata, egingo da ibilaldia. Parte-hartzaileak bi txandatan abiatuko dira: lehenengoa 19:30ean hasiko da eta bigarrena 20:15ean. Ibilbidea eta Iraupena: Bidea Barandiaran Museotik abiatuko da eta San Martingo plazaraino luzatuko da. Guztira 3 kilometroko ibilbidea izango da, 3 ordu inguruko iraupenarekin, naturan bertan murgilduz. Sarrerak: Ekainaren 18an, 10:00etan webgune honetan. Ibilaldia hasi aurretik arratsalde pasa ederra egiteko, Barandiaran Museoa, errota eta zerrategia zabalik egongo dira bertaratzen direnentzat. Horrez gain, antolakuntzak joan-etorriak erraztu nahi ditu; horregatik, 17:00etatik aurrera doako autobus zerbitzua egongo da martxan San Martindik San Gregorioraino. Ez galdu gauaren iluntasunak ezkutatzen dituen sekretuak ezagutzeko aukera, eta zatoz euskal mitologia zuzenean eta formatu ikusgarri batean sentitzera Ataunera!

18:00

Ataungo Organo Barrokoaren Nazioarteko XIX. Jaialdia

Ana Belén García Pérez: organoa Ines Osinaga Urizar: trikitia, perkusioa eta ahotsa Garazi Egiguren Urkola: dantzaria Ataungo EATE abesbatza

12:30

Ataungo Organo Barrokoaren Nazioarteko XIX. Jaialdia

DONOSTIAKO MUSIKA HAMABOSTALDIA, ORGANO ZIKLOA Andrés Cea organo-jotzailea Ane Labaka eta Julio Soto bertsolariak