Interes kulturala duten ibilbideak berreskuratzen ari dira Ataunen, herritarrekin elkarlanean. Lehenengoa Artzateko meategietakoa izan da. Udalaren Telegram kontuaren bidez zabaldu dute ibilbidearen berri. Ibilbide gehiago ere ezagutarazioko dutela jakinarazi dute, puntu gorriekin seinaleztatuta egongo direnak.
Lehen ibilbide honek 4 km-ko luzera du, Arrondoko iturrian hasi eta amaituz. Lehen zatian Artzate erreka ezagutzeko aukera ematen du bideak, baita Artzatezar eta Artzatebekoa baserriak ere. Artzatezarretik gora abiatuz gero, mendian ibiltzen ohituta egotea gomendatzen da. Bidean zehar guztira 4 meatze ezagutu daitezke. Artzatekoa Ataungo meatzegune garrantzitsuena da. Aro Modernoan hasi eta Aro Garaikidera bitartean burdina eta kobrea ustiatu zuten bertan.
Ibilbide errazagoa egin nahi dutenentzat alternatiba ere proposatu dute: Artzateko baserrietatik igarotzen den ibilbide zirkularra egin liteke, 3 kilometroko paseo "erraza" burutuz.
Bidetik topa litezkeen langak aurkitu bezala uzteko eskatu dute. Ibilbidea jarraitzeko margotu dituzte puntu gorriei egin behar zaie kasu.
Ibilbidearen mapa esteka honetan kontsulta daiteke.