Igande goizean erabat itxiko dute errepide nagusia Arin auzoan, hiru orduz. Izan ere, Arinetxeberri eta Izagirre baserrien artean, GI-2120 errepidearen 58. km-an, transformadore bat aldatzeko lanak egin behar dituzte. Ondorioz, goizeko 9:00etatik 12:00etara errepidea guztiz itxita egongo da.
Tarte horretatik igaro beharra dutenek Urkillagako bidea erabili beharko dute.
Autobusei dagokienez, hiru ordu horietan zehar Arin auzoraino iritsiko dira eta bertan buelta hartuko dute.