Ataunen areto futboleko talde berri bat sortu da 2025-2026 denboraldian jokatzeko. Taldea "Ataun Koldo Kerejeta" izenarekin aurkeztu da, Udalaren, Ataun Kirol Elkartearen eta babesleen laguntzarekin.
Orain, areto futboleko ligako 1. erregional mailan jokatuko dute, baina horren aurretik Gipuzkoako Kopa jokatuko dute. Joan den ostiralean jokatu zuten lehen partida, Ttakun taldearen aurka. Partida ona egin zuten, baina gogor borrokatu arren, 5-7 galdu zuten norgehiagoka.