Luzera desberdinetako ibilbideak izango dira, guztiak, San Martingo Auzoeta kiroldegitik abiatuta.
Ibilbide luzea
“Atauni buelta” ibilbidea luzeena izango da. 48 kilometro bidea da, 9-11 ordutan osatuko dutena. Ibilbide honetan parte hartuko duten mendizaleak goizeko 6:30etan abiatuko dira eta egun osoan zehar, hainbat toki desberdin pasatuko dituzte: Arantzazumendi, Atxurbide, Lizarragabea, Aietsu, Areatza, Saratsamendi, Intsusburu, Irumugata, Lizarrusti, Alleko, Agautz, Intsusti, Kobaegi baserria…
Tarteko ibilbidea
Tarteko ibilaldi bat ere egongo da. Honek 21 kilometroko distantzia izango ditu, 4-5 ordutan osatuko dutena. Goizeko 8:00etan abiatuko dira, hurrengo tokietatik pasatzeko: Astigarraga, herri-bidea, Barandiaran Museoa, San Gregorioko Portugaina, Gaztinarre, Agautz, Intsusti, Kobaegi baserria…
Ibilbide motza
Azkenik, ibilbide motzago bat ere egingo dute, 8 kilometro izango dituena, goizeko 09:00etan hasita. Ibilbide hau eskolako umeak bere kasa edota familiarekin batera egiteko egokia da.
Ibilaldi luze eta tartekoan parte hartzeko 10 euro ordaindu beharko da eta motza doakoa izango da. Ibilaldi hauetan parte hartzeko www.zirkuitua.com -en eman beharko da izena.
Ibilaldi luze eta tartekoan, mendizaleek jateko eta edateko postuak izango dituzte eta bukaeran, partaide guztientzat Auzoeta kiroldegian mokadutxoa egongo da.