Ekuadorko Imbabura probintziko hizkuntza babesteko eta bertako kultura ezagutarazteko helbuarekin, Ataungo Udalak, Kichwakamak Sisariy elkartearekin elkarlanean hitzarmen bat sinatu du.
Ikerketa soziolinguistikoak, hizkuntza gutxituen aldeko masen sentsibilizazioa, aktibistek kitxua biziberritzeko prestakuntzak eta hizkuntzen sustapenarekin loturiko beste hainbat ekintza burutzen dituen elkarte bat da Kichwakamak Sisary.
Garabide, euskararen ikuspuntutik, munduko hizkuntza gutxituak bultzatzen dituen erakundearen bitartez izan zuen hitzarmen honen berri Ataungo Udalak. Sinatutako akordioaren bitartez, kitxuar kultura ezagutu eta bultzatzeko aukera izango du. Honez gain, haien hizkuntza biziberritzeko lanetan eta Ekuadorko gobernuko gaietan, aholkularitzan laguntzeko aukera izango du.