Herritarrek urtarrilean hasi zuten borrokaren ostean, martxoan bi plazetako bat betezea lortu zuten. Orain, bigarren medikuarekin, Ataungo bi plazak beteko dira.
San Martingo kontsultan orain arte zegoen medikuak egunero jarraituko du goizeko 8:00etatik arratsaldeko 15:00ak arte. San Gregorion, astelehenetik aurrera honako ordutegia izango du medikuak: astelehena, asteartea, asteazkena eta ostirala, 10:00etatik 12:30era; ostegunetan Lazkaon pasatuko du kontsulta.
Ataungo Udalak adierazi duenez: "Aurrerapauso handia da baina Ataungo Udaletik gogor jarraituko dugu lanean herritarren osasunaren, eskubideen eta zerbitzuen alde."
