Iraitz Zubizarreta ataundarrak beste hiru urtez jarraituko du Baikorekin, kontratua berrituta. Halaxe jakinarazi du enpresak asteazken honetan.
2020an egin zuen debuta aurrelariak bere jaioterrian, eta ordutik asko ikasi duela adierazi du. Iaz 4 1/2 Promozio Txapelketako txapelduna izan zen Zubizarreta. 2021an, berriz, txapeldunorde izan zen lehiaketa berean.
Hemendik aurrera ere txapelketetan emaitza onak lortzea helburu duela esan du ataundarrak, Baikok sareratutako bideo batean.