Diputatuaren eta alkatearen arteko bileran, Aramendik geltoki jakin batzuen aldaketa eskaera egin du eta Dominguezek eskakizuna aztertzeko konpromisoa hartu du. Era berean, Lurraldebuseko linea eta maiztasunen inguruko hainbat bizilagunen iritziak jaso ditu diputatuak.
Azahara Dominguezen esanetan, “Gero eta gipuzkoar gehiagok garraio publikoa erabiltzea nahi badugu, udalak eta erabiltzaileak entzun behar ditugu zerbitzua dauden beharretara egokitzeko. Mugikortasuneko, Turismoko eta Lurralde Antolaketako Departamentuan egunero egiten dugu lan herritarrei garraio publiko erosoa, segurua eta beren beharretara egokitua eskaintzeko, horrela bakarrik egingo baitugu aurrera Gipuzkoa kohesionatuago eta bidezkoago baterantz”.
Martin Aramendi alkateak zera gehitu du: “Autobus-geltoki asko dauzkagu herrian, baina guztiak dira beharrezkoak, gehiago edo gutxiago guztietan ibiltzen baita jendea. Gure nahia da dauzkagun geltokiak erabiltzen jarraitzea eta egoteko moduko lekuak izatea. Aurten, adibidez, Murkondo auzoan markesina bat jartzekoak gara, eta Iztatorren ere jendea babesteko zerbait jartzeko asmoa dugu”.