Juliana Arratibel Dorronsoro San Gregorio auzoko Ugalde-txiki etxean jaio zen eta gazte-gaztetatik sukaldaritza izan zuen zaletasun. Herriko emakumeei sukaldaritza ikastaroak ematen hasi zen 60ko hamarkadan eta herriko ospakizun seinalatuetan bera izan zen arduradun nagusi sarritan. Juliana zendu eta 25 urtera, Zeles Etxeberriak errezetak bildu eta liburua sortu du.
‘Sutondoaren xarma’ ATAUNIKER eta HAZI fundazioaren arteko lankidetzari esker burutu da.
Joakina Etxeberriak zituen errezetak etxeko traste-paper zaharren artean gordeta eta ondoren, bigarren koaderno bat ere aurkitu zuen Maria Pilar Arrondorenak. Dauden aleak herrian banatuko dira muxutruk.