Ataun ardatz hartuta, edozein Giza eta Gizarte Zientzien arlotan, herriaren inguruko ikerketa lana burutzea da xedea.
Beka honekin, Udalak, Joxemartin Apalategi Begiristainen ikerlana ezagutaraztea, herriratzea, gizarteratzea eta ikertzaileei bide berriak egiten laguntzea nahi du.
Horretarako, ikerketa proiektuak 2024ko maiatzaren1a baino lehen aurkeztu beharko dira Ataungo Udal Erregistroan. Parte hartzeko, eskabide orria aurkeztea beharrezkoa izango da.
Bekaren zenbateko ekonomikoa 10.000 eurokoa izango da eta behin lana hautatuta, 18 hilabetetan garatu beharko da proiektua. Bukatutako ikerlanak gutxienez 100 orrialde izan beharko ditu eta prozesu osoa euskaraz gauzatu beharko da.