Auzolan deialdia antolatu du Ataungo udalak, herrigunea eta mendia txukun mantentzeko. Hauetan bi lan mota egin ahalko dira.
Alde batetik, herri guneetako lanak, besteak beste, zaborra jaso, lorontziak apaindu eta txukuntzea, hiri-altzariak garbitu eta mantentzea, edo erreka garbiketa. Bestalde, mendiko lanak ere egingo dira, hondakindegiak garbitu, atsedenguneak txukundu, mendi bideak garbitu, iturriak berreskuratu, txabolak berritu, zuhaitzak landatu, edota leizeak garbitu.
Horrez gain, igande honetarako aurreikusita zegoen Zuhaitz eguna atzeratzea erabaki da, emandako eguraldi iragarpenagatik. Ondorioz, Arrikolatzako zuhaitz landaketa martxoaren 9ko auzolan deialdian sartzea erabaki dute.
Auzolanean parte hartzeko beharrezkoa da izena ematea, astelehen iluntzea bahino lehen, lanak antolatzeko. Haur eta gaztetxoentzako ere egongo dira lanak.
Izen ematea: https://forms.gle/nSofUsHAQTtUKhty5