Baiko eta Aspek Eskuz Binakako Serie B (Promozio maila) eta EPELen maila nagusiko txapelketako pilotariak aurkeztu zituen atzo.
Bihar, azaroak 24, hasiko da txapelketa eta igandean izango du hitzordua Goierrin.
Segurako Baratze frontoian lehiatuko dira bikoteak, arratsaldeko 17:00etatik aurrera. Bertan parte hartuko duten bikoteen artean, hiru ataundar izango ditugu.
Alde batetik, Binakako Serie B mailan, Zubizarreta III.a eta Ugartemendia, Senar eta Eskirozen aurka lehiatuko dira. Senarren debuta izango da hau, Larrazabal ordezkatuz lehen jardunaldi honetan. Oso partidu berezia dugu aurretik, izan ere, bi ataundarrak aurrez aurre arituko dira elkarren aurka.
Maila nagusian, Jon Ander Albisu ataundarra izango dugu Peña II.arekin batera, Artola eta Imazen aurka.
