Ekainean ospatu ohi duten aste kulturalaren baitan, Kaleko Jostunen eguna egingo dute aurten ere. 10. edizioa izanik, aurten lorez egindako estalgarri bat egingo dute, 'eskuz ehundua, lore mordoxka bat elkartuta, amaieran Gizarte etxeko hall-eko teilatua apainduko duena.'
Bihartik aurrera hasiko dira loreak eskuz ehuntzen arratsaldeko 17:00etatik 19:00etara jubilatu etxean, eta astelehenetik ostiralera ordutegi horretan egongo da aukera horretarako maiatzaren 28ra arte. Lore guztien lotzea eta haur eta gaztetxoekin batera azken apaingarrien lanketa maiatzaren 28 eta 29an egingo dute.
Hariak Erretiratuen etxean egongo dira erabilgarri nahi duenarentzat eta 3. zenbakiko kakorratza erabiltzea adostu da.
Maiatzaren 30ean lorez betetako estalkia gizarte etxean instalatzea aurreikusi da eta edozein zalantza izanez gero, Kaleko Jostunen whatsapp taldea sortu da (688 657 455 zenbakira idatziz).