Parisko Olinpiar Jokoetarako gutxieneko markak eskuratzeko azken aukera izango da atleta askorentzat, beraz, maila altuko lehia espero da.
Gaurko aurkezpenean Altamiran izango diren atleta batzuen izenak ezagutu ditugu. Adibidez, Jhonny Rentería kolonbiarra egongo da 100 metrotan, Ignacio Fontes espainiarra 1500 metrotan, olinpiar jokoetan bigarren postua lortu zuen Orlando Ortega, Roberta Bruni italiarra pertiga jauzian eta beste urte batez, Rosmery Almanza 800 metrotan.
Beste edizioekin alderatuz, aurten ordutegia atzeratu da. 19:00etatik 22:00etara biatrtean ospatuko dira probak Altamiran. Aldaketa honen arrazoia, aurten txertatuko duten berrikuntzetako bat izan da. E-Rbi argi sistema erabiliko da, Xebas Telleria ingeniari segurarraren laguntzarekin instalatutako erritmoa markatzeko balioko duten argiak. Espainian bigarren aldia izango da, Mitin batean sistema hau erabiltzen dutena. Argi hauek hobeto ikusi ahal izateko atzeratu da atletismo mitinaren ordutegia.
Mitina bertatik jarraitzeko sarrerak 5 erotan erosi daitezke. Horrez gain, Goierri Telebista ere zuzenean eskainiko dugu proba guztiak.
