Alokairurako babes publikoko 60 etxebizitza egingo dituzte Ordiziako San Juan auzoan, Ordiziako Udalak eta Visesa sozietate publikoak sinatutako hitzarmenaren ondorioz. Hitzarmenak, Visesak erositako partzelan alokairuko babes publikoko etxebizitzen sustapenerako etxebizitzak eraikitzea ahalbidetzen du.
Etxebizitza horietako baten esleipendun izateko, azken bost urteetan udalerrian gutxienez urtebetez jarraian edo hiru urtez txandaka erroldatuta egon dela egiaztatu beharko da, Etxebide-Euskal Etxebizitza Zerbitzuak ezarritako baldintzak betetzeaz gain.