Goizean goiz, 148 txirrindulari abiatu ziren Lazkaoko irteera marratik. 124 kilometrotako ibilbidean, sei mendate gainditu behar izan zituzten. Maila altua ikusi genuen lasterketan, izan ere, Euskaldun Txapelketarako baliagarria zen proba hau.
Probako garaile Caja Rural taldeko Gorka Corres (03:00:35) izendatu zen. Berak eraman zuen baita mendiko saria. Segundu gutxira iritsi zen Laboral Kutxako Iker Trigo (03:00:52) bigarren postuan. Ondoren, Caja Rural taldeko Aimar Erostarbe (03:01:03 ) iritsi zen hirugarren postuan, podiuma osatuz. Aldi berean, Euskaldun Txapelketako lider mantendu zen Erostarbe.
Caja Ruralek jaso zuen taldekako saria eta metara iristen lehen lazkaotarra Oier Larrañaga izan zen.