Ate irekietako asteburuan baserritarrek beraien etxeetako ateak zabaltzen dituzte, eta interesa duen edonork, bertaratu eta baserritarrak bizi diren parajeak, herrixkak eta beraien ogibidea eta ekoizten dituzten elikagaiak ezagutzeko aukera ezinobea da. Honen helburu nagusia landa ingurunea eta hiriak hurbiltzea da.
Aurten Gipuzkoa eta Bizkaiako 19 baserri zabalduko dira. Goierrin hiru bisita egiteko aukera dago, Uztailak 5 ostirala, Zeraineko Ariztizabal baserrira bisita egingo da. Ondoren, uztailak 6 larunbata, Esnaurretara txangoa antolatu dute Joseba Insausti artzainaren txabolara. Egun berdinean, Ordiziako Arramendi baserrira joateko aukera ere egongo da.