Donosti Cup Nazioarteko Oinarrizko Futbol Txapelketaren 32. Edizioa abian da eta aurten ere Goierriko hainbat zelaietan jokatuko dira kanporaketak.
Besteak beste, Ordiziako Altamiran eta Anexoan, Lazkaoko Arizti Handi zelaian, Beasaingo Igartza eta Loinatz zelaietan eta Idiazabalgo Arizkorreta futbol zelaian jokatuko dira Donosti Cupeko kanporaketak.
Asteartean hasi dira jokatzen lehen partidak gurean eta larunbaterarte txapelketa honetaz gozatzeko aukera izango da Goierrin. Finalak Donostian izango dira larunbat eta igandean.
Nazioarte mailako txapelketa honek indar handia hartu du azken urteotan eta aurten marka guztiak hautsi dira 900 taldeen partaidetzarekin. Aste osoan zehar, goiz eta arratsaldez jokatuko dira partidak eta Goierrin 212 partida ikusteko aukera izango dugu Beasain, Lazkao, Idiazabal eta Ordiziako zelaietan.