Herri ekimenez eratu den elkarte berriak, dagoeneko 50 bat bazkide ditu. Hauek kudeatuko dute bertako funtzionamendua, baina salmenta zuzena eta autonomoa izango da, digitalizazioan eta konfiantzan oinarrituko dena. Erosketa bakoitzeko, ekoizle eta ornitzaileek zuzenean jasoko dute erosten denaren balioa.
Datorren astean proba fasea egingo da Sindikatoan. Ondoren, ekainaren 24tik aurrera jarriko da sistema martxan, herritarrek atea ireki eta erosketa modu autonomoan egiteko aukera izanik.
Alegiko Sindiktoa Elkarteko kideak, herritarrak, eta ordezkari politikoak izan dira inaugurazioan, besteak beste, Jon Enrike, Ormaiztegiko alkatea, Felix Maiz, Gabiriako Udaleko zinegotzia, Xabier Arruti, Lurralde Oreka Berdeko foru diputatua eta Diego Hortelano Espainiako Herrien Federazioko ordezkaria.
