EH Bildu izan da alderdi bozkatuena Goierrin Europako hauteskundeetan bozken %44,21arekin. Herri guztietan lortu du gehiengoa eta atzetik duen EAJ-k baino 2928 bozka gehiago lortu ditu.
2019ko hauteskundeekin alderatuz, lortutako bozken kopuruetan EH Bilduk eta EAJ-k behera egin dute eta PSOE-k gora. Emandako bozken ehunekoak begiratuz ordea, EH Bilduk eta Alderdi Sozialistak gora egin dute eta Alderdi Jeltzaleak beherakada nabarmena izan du.
Euskal Autonomia Erkidegoan EH Bilduk irabazi ditu hauteskundeak eta PSOEk Nafarroan.
EAEn EH Bilduk bozken %26,2a lortu du eta PSOEk %25,9a. Hirugarren indarrean EAJk bozken %22,4a lortu du, beherakada nabarmenarekin ere 2019an lortutako %33,9arekin alderatuz. Atzetik, %11,5arekin PP, %3,3arekin Sumar, %3,2arekin Podemos eta &2,7arekin VOX.
Nafarroan PSOE izan da indarrik bozkatuena %28,79arekin. Bigarren eta oso gertu PP, %28.03ko bozkekin eta hirugarren postua EH Bildurentzat izan da %18,75arekin.
Europako hauteskundeen herriz herriko emaitzak ikusgai izango dituzue albistegiaren ondoren.