Gipuzkoako Herriarteko Txapelketako jardunaldi berria hasiko da asteburu honetan. Pilota eskuz lehiako final-hamaseirenen kanporaketen ostean bi talde goierritarrek lortu dute aurrera egitea.
Beasain 4 - 2 garaitu zen pasa den jardunaldian Tolosaren aurka, eta ostiral honetan Zestoaren aurka jokatuko ditu final-zortzirenen joaneko partiduak arratsaldeko 18:45etan Beasaingo Antzizar kiroldegian. Irabaziz gero, Azpeitiaren aurka jokatuko du.
Bestalde, Idiazabalen aurkako partiden ondoren, Zaldibiak 6 - 0 lortu zuen irabaztea eta ostiral honetan jokatuko ditu Altzoren aurka final-zortzirenen joaneko partiduak gaueko 20:00etan Zaldibiako Resti pilotalekuan. Eta irabaziz gero, Andoain izango da hurrengo erronka.
Hurrengo jardunaldian, final-laurdenetan, Ataun gehituko da txapelketara eta Bergara eta Amezketaren arteko irabazlearekin hasiko du norgehiagoka.
