2024ko Gipuzkoako Herriarteko Pilota Txapelketaren kanporaketen zozketa egin dute aste honetan Donostian.
Guztira 41 herritako 443 pilotari elkartuko ditu txapelketak. Bertan, 18 herri lehiatuko dira eskuz, 6 larruzko paleta eta pala motzez, 14 gomazko paletaz eta 3 zesta-puntaz.
Eskuz, Goierriko lau herri lehiatuko dira: Zaldibia, Idiazabal, Beasain eta Ataun. Lehen biak elkarren aurka jokatuko dute lehen kanporaketan. Fase beran, Beasainek Tolosaren aurka jardungo du. Hauek datorren asteko aste bukaeran (maiatzak 4 eta 5) jokatuko dira. Ataun, final laurdenetan arituko da aurrerago.
Palan arituko den herri goierritar bakarra Ordizia izango da, finalerdietarako sailkatu dena.