Oinezko Metroa, metro-planoen diseinua imitatuz sortutako mapa edo irudi eskematiko bat da, non, udalerriko puntu garrantzitsuenen arteko distantzia eta oinez egiteko behar den denbora adierazten den.
Proiektu honen beste helburuetako bat da bizimodu aktiboagoa, osasuntsuagoa eta jasangarriagoa sustatzea.
DBHko hainbat ikasle eta hirugarren adineko beste hainbat elkarlanean ibili ziren Beasaingo puntu nagusiak aukeratzeko. Ondoren, dinamika hau Madrilgo Unibertsitate Politeknikoko adituek eramango dute aurrera, gertutasuneko hirien plangintzan erreferente den ikerkuntza talde baten eskutik.