"Altxa buruak" ekimena, hainbat herritan jarri da martxan, gurasoen kezka baten ondorioz. Ataungo hitzaldia, herriko guraso eta gaztetxoei zuzenduta egon da. Bertan, Miren Ros-ek, gaian aditua denak, gako garrantzitsuak eman ditu erabilera osasungarri baten alde.
Horrelako hitzaldiak lagungarriak dira gurasoentzat, izan ere, beraien seme-alabekin gaur egungo errealitatearen aurrean nola jokatu behar duten jakitea ez da lan erresa.
Hitzaldi honetaz gain, Ataungo "Altxa buruak" taldeak jarri ditu martxan beste ekimen batzuk. Herriko eraikin publiko eta komertzioekin elkarlanean jarri ziren eta orain, beharra duten haurrek, bertako telefonoak erabiltzeko aukera daukate. Modu honetan,kalean aurkitzen diren haurrek telefonoa eskuragarri duten guneak izango dituzte, pegatina identifikagarriak dituzten tokietan.
Hauek dira ekimenarekin bat egin duten eraikin publiko eta komertzioak: Udal liburutegia, farmazia, optika, Erauskin harategia, udaletxea, Zubikoeta gasolindegia, Errotaundi, Martintxo, Jone Mendizabal ile-apaindegia, Agurtzane ile-apaindegia, Sutegi, Troskaeta, Urbieta, Kutxabank, Herri ikastetxea, Haur-eskola, Urbitarte sagardotegia, Xabi Saralegi masajista eta Barandiaran museoa.